Der unerträgliche Standpunkt

Heinz Kobald

  
 
Startseite / Startseite / Koa heilige Zeit iss nimma
Koa heilige Zeit iss nimma
Koa heilige Zeit iss imma





Holzarbeit "Stall von Bethlehem" ( C ) Heinz Kobald 2017
Bild zum vergrößern anklicken



Koa heilige Zeit iss nimma


De Kini san ned heilig
Da Stern leicht ned in koana Nacht
De Engal san stumm blibn
ham koa Liad ned
zu de Hirtn naus bracht

Da Stoi is laar blibn
Koa Kind ligt ned in da Krippn drin
De Menschn im Heilign Land
wern aus ihre Häisa vatriebn

Soidadn vabrennan de Felda
Koa saubas Wassa in de Brunna drin
De Menschn wo da lebn
san eigsperrt im Gfängnis drin

De großn Heere
vo de Mächtign in da Welt
De kämpfan wo andas
ned fia a kloans Kind

De Wahrheit derf ned gsagt wern
werd vafoigt mid vui Hass
Wann oana was sang daat
werd a gschlang auf da Strass

De wo as Unrecht
zu ihrm Recht erklärn
dene konsd jedn Tag
jetz im Radio zuahörn

Üba de wo koa Recht ham
derfsd de Wahrheit ned sang
Wei de wos vafoigt ham
de derfan jetz schlang


2017 © Heinz Kobald