Der unerträgliche Standpunkt

Heinz Kobald

  
 
Startseite / Boarisch gsagt / Des sexistische Dirndl
Des sexistische Dirndl
ZwoaRadi,Zeichnung:Heinz KobaldDes sexistische Dirndl

A Gsellschaft is da dees



Aus der Süddeutschen Zeitung vom 1. Februar 2013

Sabine Leutheusser-Schnarrenberger, 61, Bundesjustizministerin ( FDP ),
findet nicht, dass sich ihr Parteifreund Rainer Brüderle
gegenüber einer Journalistin sexistisch verhalten hat.
Die Stern-Reporterin hatte Brüderle
in einem Porträt mit dem Satz zitiert:
"Sie können ein Dirndl auch ausfüllen".
Die Politikerin sieht darin nichts Anstößiges.
"Ach, das war doch ein Kompliment.
Das ist doch was anderes, als wenn jemand tatsächlich übergriffig wird."
Man sollte die Kirche im Dorf lassen.
"Wenn ich auch ein Dirndl tragen kann und das steht mir gut,
wo ist denn da die Beleidigung", meinte sie.


______________________________________________


Des sexistische Dirndl


Ja mei, was soisd jetzat dadazua no song.
Wann am Mo a Weib in am Dirndl gfoit, na muass a scho aufpassn, dass a si an ihra ned glei sexistisch vagreift.
Übagriffi kannts sei, was de Sabine dann aba ned mechat.
Übagriffig - sexistisch - ja was san denn des fia bläde Wörta.

Muass i jetzat juristisch gstudiert sei, dass ma do nix Foisch ned üba de Lippn kummt, wann ma a Dirndl im Dirndl gfoin daatat?
Ja, was derfat i na übahaupts no zu oam Dirndl song, wanns ma gfoit, grad zwengs dem, wias hoit aso ausschaugt.

Es san hoit ned grad oiwei de scheenan Aung oda de Haar, oda wia ihra de Nasn im Gsicht steht.
Da is fei aa no was andas Runds an ihra Gstoit, was ma gfoit. Da Schöpfa had sein Grund dadafia gwiß ghabt!
Wann aba jetzat grad ned genau dortn was is wia si des ham mechat, dann gaabs grad gnua katalogweis Nachhuifn dadazua.
Ja, warum machens na des ois? Dass ma mia Buam dann wega schaung? Moansd? Wirkli?
Und song derfat ma dadazu scho glei gar nixn ned?
Ja, mia waars gnua.

Madl! Du schaugst fei guat aus in deim Dirndl!
Wann aba si nachat fragat, was ma an ihra so guat gfoin daat?
Nachat derfat i ihra des ned song, wei i mia sonst oane eifangat?

Dass jetztat a Dirndl fia den Sexismus vo oana Journalistin herhoitn hat miassn, dees is fei scho arg.
Des is pfeigrad a Beleidigung fia unsa Trachtngwand.
A Buidl hätt i scho gern vo ihra gseng. Damid i dann aa song kon, dass da Brüderle recht ghabt hat.
Genau in dem Blickwinkl hätt i s gern, wo de Laura ihr Himmelreich anbietet.
Damid ma s aa guat seng kon wia da de neinazwanzg Jahr higwachsn san.

Wei de Schnarrenberger daat mi dann nachat scho gega de Klage vo da Laura vateidign.
Oda, Sabine, iss ned a so?


3. Februar 2013 © Heinz Kobald