Was machan de grad fira Gschroa
Mid da Atombombn is oana ned alloa
Wegwerfa werdas aba grad ned
wei a dann ja koane nimma hätt
Und de wo scho alle oane ham
Steckan volla Neid ihre Köpf zamm
Sie woins ned dass da no oana waar
Des alloa is fia sie de Gefahr
Wei wann oana de Bombn nachat hat
Is a ned so leicht ozgreifa dea Staat
Sei Wort hätt in da Welt a andas Gwicht
Wia des an Eifa bei de Neidhammi aufbricht
So war des bei dene scho oiwei
Wer a Suppn had da kunnts leicht sei
Da kaam oana dea spuckat eam nei
Jedz machta a Gschroa mid seim Mei
Had oana de Macht und er duats
Nachat bedeit des fia sei Voik gar nix Guats
De miassn olle seine Soidatn sei
De treibat a in den Dod nei
Bleibatn aba alle vo dem Kriag weg
Hätt a Macht gar nia koa Vasteck
Sie schaugat schierli nackat fei aus
Aso kammat jede Wahrheit glei raus
2012 März 2 © Heinz Kobald