Da Schnelle Präsident
Da war oana schnell Präsident
Had ned grad ghabt saubane Händ
Had vui Urlaub gmacht in oam Land
mid oiwei vui Bargeld in da Hand
Seine Freind ham de Rechnungan zoit
Wer waar jedz da dem des ned gfoit
Wer mecht ned a Gschenk ham fia nix
Had oiwei gnua Geld in da Bix
Er had studiert auf Jurist
had desweng oiwei genau gwisst
was grad no so gehd oda ned
Had gmoant de andan sengs ned
Doch fia a soichas hohe Ehrenamt
is ned guad a so a unsaubane Hand
Boid woitns den Mo nimma ham
Mid am Ehrensold schickansn hoam
De Moral vo dera Gschicht is
dass des Ungleiche fia alle gleich is
Je mehra dass dei Hemad weiß soid sei
desto mehra geht in deine Daschn nei
Vui wichtiga is ois wiara weiß Hemd
dass di in dera Gsellschaft a jeda guad kennt
Des zoit si nachat gwiss aus
werfans di aus dem Gschäft am End naus
Sogar an Ehrensold zoins da dafia
A normala Mensch kriagat des nia
Doch weis du koa Gwappita ned bist
zoist du fia dene ihrn Mist
2012 März 2 © Heinz Kobald