Grad oana hätt a Gwissn ?
Da Ari Folman wega Sabra und Shatila vo 1982? Alle andan ned?
Aba - i wui des nimma bessa vasteh, weis da nix ned zum vasteh gibt,
sondan des Vöikarecht muass endlich durchgsetzt wern,
aso wias im Artikel 1 vo da IV. Genfa Konvention valangt werd.
Vo alle, de wos untaschriebn ham, bsondas vo Tel Aviv und vo Berlin.
I wui endli wissn wo und wia i da eigreiffa kon,
dass si des grausame Gspui dadortn endli zum End hi bewegt.
Und a Ruah is in dem Heilign Land! Habts mi?
Soi i hifahrn und de Maua eireissn, de wo ned sei derf.
Oda de Landräuba mid da Bibi in da Hand,
de wo oiwei no ganz foisch ois "Siedla" benannt wern,
nach Israel hoambringa, mid da ganzn Armee dazua.
Oda soid i de ganze Bundesregierung beim Bundesvafassungsgricht vaklagn,
weis de Vapflichtungen in unsam Grund-Gesetz und dem Vöikarecht dazua ned eihoitn.
De ganze Austrixarei vom Vöikarecht geht jedz scho ins finfte Jahrzehnt nei,
ohne dass amoi grecht zuageh daat.
Aba mia schickan weida unsane Soidatn nach Afghanistan und unsane Waffn nach Tel Aviv. Wo dann dene ihre Soidatn de Palästinensa aus ihre Häisa vatreim und vo ihrm Land davo.
Des kon i nimma bessa vasteh woin, da zreissts ma an Kopf.
Gega Teheran Sanktionen valanga, aba da Landraub am Staatsland vo de Palästinensa geht oiwei weida.
In Afghanistan wars zerscht koa Kriag ned. Da hamma grad unsa Demokratie am Hindokusch vateidign miassn. Ganz schee weid weg. Aba jedz auf amoi sangs, es gangat aa um wirtschaftliche Interessen. Dadafia is aba de Bundeswehr doch ned da. Oda?
Na werds ma scho klar, dass ma koane Soidatn ned fia Palästina ham, damids dadortn des Lebensrecht vo de Palästinensa und ihre Eigentumsrechte an ihrm eigna Land vateidign, aso wias de Genfa Konvention valangt - aa und grad vo Deitschland.
Aba mia ham - sang oiwei no zvui - doch eh grad a historische Vapflichtung zwengs dem Vöikamord an de Judn vo de Nationalsozialistn in dem Deitschland vor üba 60 Jahr.
Obwoi dass da Altbundeskanzla Schmid scho öfta gsagt hat, dass akkrat de Vapflichtung aa bis zu de Palästinensa geht, was dene seit üba vierzg Jahr scho odo werd.
Iba de Grenz zum Vöikamord in Gaza mag i scho gar nimma laud nachdenga.
I mag nimma! A Ruah is!
Aufhörn sagi! Es langt!
Chaim Wichtelmann
Minga, Heilig Drei Kini, 2011