Der unerträgliche Standpunkt

Heinz Kobald

  
 
Startseite / Boarisch gsagt / Der Nikolaus String Tanga
Jedz gehts aba untndrunta
Nikolausfeier im Kindergarten in Seyring 2003Jedz gehts aba untn drunta




Als der Nikolaus kam...
Kindergarten Seyring im Jahre 2003


Warum jedz da wieda da Nikolo ?
Und ned da Weihnachtsmann ?


Dass dees da Nadeschda bsondas gfoin hat, wo sie aa no Scharfenberg hoasst, dees kon i vasteh.

Aba - Warum jedz grad da wieda da Nikolaus ?
Wos doch nirgends koan zum seng gibt!
Dee wo da rumlaffan, dees san doch alle grad Weihnachtsmänna mit oana rodn Zipfimützn auf ihre foischn weißn Haar.
Koa echta Nikolaus ned, koa Bischof, koa Mitra am Kopf und koan Bischofsstab in da Hand.

Aba, wanns umman String-Tanga geht, da foiat ihra wieda da Nikolaus ei.
Der vo Myra vielleicht, da echte, der wo de arman Madln as Heiratsguat ins Fensta glegt hat, damits zum Heiratn kemma san.

Da moanat i fei scho, dass da untaschwellig a Riesn-Sauarei untawegs is.
Dera wo sie de Nadeschda aba ganz unschuidi gar ned bewußt is.
Naa, gaar ned.

Koa Nikolaus hat was mid Table-Dancing zum doa. Und sowas wia Jingle-Bells braucht der aa gar nia ned.
Oafach saubläd recherchiert hats - und no vui saubläda gschriebn.
Wia dass um ihr Humanistische Bildung steht, kon i aa nixn ned sang.
Obses gwusst hätt?

Zitat:
» ... denn "nikos" bedeutet im Griechischen "Sieg", "laos" das "Volk".
"Nikolaos" meint somit "Sieger des Volkes".
"Nikolaus" könnte also jemanden bezeichnen,
der das Böse besiegt und dem Volk gezeigt hat, wie das Gute siegreich bleibt.«
( 3 )

Soid sie doch de Weihnachtsmänna den String-Tanga ohänga.
Aba nia ned oam Nikolaus ned.
An de Weihnachtsmänna passat a scho bessa hi, monat i ned grad.
Dene ghört a aa.

Was sagt da unsa neia Ministapräsident dazu?

Zu wosn ?

Na desch da vo da Scharfnberg !

Zitat:
»Die Adventszeit soll auch ein Stück Besinnung sein und keine Hetze.« ( 2 )

Wia werd jedz er dees mid da "Hetze" gmoant ham? Frag i mi da jedz scho.
Deitsch is aa fia Deitsche ned oiwei so a oafache Sprach ned.
Schriftdeitsch is hoit und bleibt a kinstliche Sprach.
Mia in Bayern sagatn hoit dazua "staad", nacha kaam aa da koa Zweifi ned auf. Oda?
Aba da Günther woit hoit, dass de Nordliachta aa vastengan, an was er bei "staad" denga duat.
Ned aso sinnentleert im Kaufrausch dahirenna.
Bei da Nadeschda iss ja scho wieda umman ganz an andan Sinnesrausch ganga.

Außerdem ist es zweifelsfrei unangebracht, sich Gedanken darüber zu machen, ob Sankt Nikolaus als Stabträger auch noch die Bedingungen für eine andere Träger-Eigenschaft unter seinem Gewand erfüllt.

Wollte Frau Scharfenberg mit ihrem tiefergehenden Blick evtl. doch anderes hervorholen und ist beim Anblick des Objektes von ihrem Vorhaben nur abgelenkt worden?

Zitat:
»Die religiöse und die profane Verehrung des heiligen Nikolaus ermöglicht,
unter der "Übermalung" der Jahrhunderte das wieder hervorzuholen,
was ihn so faszinierend gemacht hat:«
( 3 )

Oder ist sie vom offensichtlichen Zweck des Werkzeugs an ihrer Einordnung in den biologischen Kreislauf des Menschseins eingefangen worden?

Zitat:
»Nikolaus, das ist einer, der anderen vorgemacht hat, ( ... ).
Besitz dient ihm nicht zur Repräsentation oder als Macht,
( ... ), das dann Früchte bringt, wenn man es weitergibt.«
( 3 )

Und da dabei dengan ja eh de wenigstn dro.
Hod aa mid da Menschnwirde was zum doa!

Zitat:
»"Heilig" umfaßt hier auch noch das körperliche Heilsein.« ( 3 )

Beim Hergem is eh grad jeda scharf drauf, was er dafia kriagt.

Zitat:
»Der Schenkende erledigt keine religiösen Pflichten, kauft sich nicht Anerkennung oder Liebe, er gibt ein Teil von sich - und das ohne "Quellenangabe".
Je mehr der profanisierte Nikolaus als Kaufanreiz verzweckt wird,
desto reizloser wird sein Image.«
( 3 )

Genau! Je länga dassd hischaugst, umaso gringa is da Reiz.

Oiso a soichane Untndrunta-Zipfimützn is was fia de, de wo scho auf ihrm Kopf drobn a Zipfimützn aufham.
Aso passat dann ois zamm !

Hasd mi, Scharfnbergerin ?

Wannsd jedz du dera traditionelln Verehrung fia den Nikolo a neie Richtung gem wuist, nacha is dees ganz alloa dei Sach.
Aba da dazua suach da dann oan vo dene Weihnachtsmänna, dee mit da Zipfi-Mützn rumrennan. Bei dene bist dann richtig.

Hoff i amoi fia di.
Oda war dees doch grad ois a Rache fia de vuin Plakate mid de leicht bekleideten Damen ? ( 1 )


Chaim Wichtlmann


A Buidl woits seng ?
Naa, i zoag eich koa Buidl ned.
I schreib grad iba de Sauarei.
Aba zoang dua is eich ned aa no.


________________________________________________


( 1 ) Quelle:
Süddeutsche Zeitung, Nr. 280, 05. Dezember 2007, Seite 14
ACHTUNG, ADVENT! (4) "Der Nikolaus-String"
von Nadeschda Scharfenberg

( 2 ) Günther Beckstein
am 5. Dezember in
Der Bayern 1-Adventskalender

( 3 ) "Du lieber, heiliger Nikolaus"
Ein Kinderbescherer im Laufe der Jahrhunderte
von Dr. theol. Manfred Becker-Huberti, Köln


5. Dezember 2007 © Heinz Kobald