Im Ochsnstall
auf Bethlehem
da wars no nia ned
arg bequem
So mid de Jahr
is ärga worn
A Maua steht da
hint und vorn

Warum des Land
so eigsperrt is
Des is seit virzg Jahr
mehr ois gwiss
De wo des Land
ham woin san stur
De dengan grad
des oane nur

Uns ghärt des Land
Gott had des gsagt
Aa wannas dann alle
nausgschmissn hat

Zwoataused Jahr
is des scho her -
Seit de Röma warn
üba des Land
scho mehrane Herr
Obwoi des ois
is aufgschriebn worn
ham sie davo
doch ois valorn

Koa Bundeslade
Koan Tempi mehr
Grad a Stück Maua
zwischn Wüste und Meer
De wo des Land
heit kontrolliern
san ärga wia se
de Röma aufführn

Wann de Heilign Drei Kini
koan Ausweis ned ham
wern de wieda
ganz schnell hoamzua fahrn
De lassns ned
nach Bethlehem nei
An dera Maua
kemmans ned dro vobei

Wo steht heit da Stall
vo Behlehem †
Wohi werd Maria
as Jesuskind leng
Daschossn hamsn
und vabrennt
Wei koana de Maria
und an Josef da kennt

Sie sang sie daatn
aufn Erlösa scho hoffn
Doch san fia eahm
koane Türn ned offn
Grad aso is wias
da Herodes hat gmacht
Aus Angst hat a alle
kloan Kinda umbracht

Sie warn fia dee Geburt
auserwählt
Hernach werd da Erlösa
am Kreiz drobn gequält
Genau dees war
de Erlösungstat †
fia de heit koana
seine Ohrn offn hat

Vielleicht brauchts wo andas
wieda an Stoi
Wo koa Maua ned is
dann kemmans wieda alle
vo übaroi -

Wer woass obs vielleicht
doch scho so is †

†††††††††††††††††††