Der unerträgliche Standpunkt

Heinz Kobald

  
 
Startseite / Startseite / Was waar auf Weihnachtn zum Sang
Was is Weihnachtn heit ?
Bergkrippe Isartal 2015Auf Weihnachtn zum song





Holzarbeit "Stall von Bethlehem" ( C ) Heinz Kobald 2015
Bild zum vergrößern anklicken



Was waar auf Weihnachtn zum song ?

Dass si de Menschn amoi vatrang
Ned oiwei aufanand eischlang
So ohne Waffn is de Menschheit ned zum Denga
Weis eanane Kinda de Waffn zum Spuin scho schengan
Schlag no zruck ! Laß da nix gfoin !
Mehr is vo dem Vastand ned zum woin

Fia Weihnachtn gibts an Katalog
A Künstlichs Liacht is grad en vogue
Engal konsda hauffaweis kaffa
Und mia kennan ganz ruhig schlaffa
Kimmd a dann da Weihnachtsmann
Rammas Krippal ganz schnell zsamm

Herbergssuche mid am Kind
Gehts no weida aba gschwind
Auf a soichane Wandarei
lasst ma si doch jetz ned ei
Schaugts da Stern is wieda da
Der leicht aa in Afrika
Deszweng brauchats des doch ned
dass a vor da Tir draußd steht
Weihnachtn is a Hoffnung fia alle
Aa fia de dort drinn im Stalle

Weihnachtn - Was is des heit
Ums Heilige Land da Ewige Streit
Wia soi des Stickal auf da Erdn
grad fia de oan a Hoamat werdn

Nix vom Heiland waar zum hörn
wei d Kanonen oiwei störn
Nix zum hörn was d Engal singa
wei se de ganz laud umbringa

Wanns Vanillekipfal singt
und da Stern aufd Spitzn springt
steht da Weihnachtsmo scho do
Nix vo Bethlehem und so
In de Fensta vo de Gschäfta
glitzat bunt des Weihnachtsgschäft
Olle Jahr de selbn Liada
Koana fragt da no Warum ?
Jesus - wer soi des jetz sei
Josef und de Maria sei Wei
Wirkli ned - Des passt da ned
D Leit san ja nimma so bläd

In da Heilign Nacht gibts Gschenka
Da muaß koana weid zruck denga
Woher soin de König sei
Warn de wirkli aa dabei
Woassd mid soichane oidn Gschichtn
konsd koa Weihnachtn ned richtn


2015 © Heinz Kobald